Сардэчна запрашаю!
Вы знаходзіцеся ў віртуальным кабінеце матэматыкі
дзяржаўнай установы адукацыі "Поразаўская сярэдняя школа"
Мне вельмі прыемна, што Вы зазірнулі на мой сайт!
Спадзяюся, што прадстаўленая інфармацыя будзе цікавая і карысная не толькі настаўнікам матэматыкі, але і класным кіраўнікам, маладым педагогам, вучням.
Жадаю прыемнага і карыснага правядзення часу на старонках сайта.
Буду ўдзячная за Вашы водгукі.
Аўтар сайта Галась Марыя Чаславаўна
Цяжка ўявіць як жылі б людзі, калі б не ўмелі лічыць, вымяраць, параўноўваць. Гэтаму вучыць матэматыка. З малых гадоў гэтая цудоўная навука ўваходзіць у наша жыццё. З лікамі і лічбамі даводзіцца мець справу ўсім. Наўрад ці хтосьці стане адмаўляць неабходнасць матэматычных ведаў. Бо матэматыка вучыць чалавека думаць, аналізаваць, развівае лагічнае мысленне, памяць.
Нездарма кажуць: "Матэматыка - царыца ўсіх навук"
Чалавек, які ведае і любіць матэматыку, шчаслівы чалавек. У яго заўсёды парадак у думках, гармонія ў пачуццях, дакладнасць і правільнасць ў гаворцы. І вельмі дакладна прыкмечана: "Матэматыку ўжо за тое любіць патрэбна, што яна розум у парадак прыводзіць!"
Няхай жыве матэматыка, лепшая з навук!